«Маңғыстаудағы діни жанжал»: 1,3 млн айыппұл салынған балалар пансионаты

Маңғыстау облысының прокуратура органдары балалар пансионаты ретінде жұмыс істейтін қайырымдылық мекемелерінің теріс ағымда екені және заң бұзғаны анықтады.

Бұл туралы Маңғыстау облысының прокуратурасы хабарлады.

Тексеру барысында облыста бес пансионат жұмыс істейтіні анықталды. Екеуі Мұнайлы ауданында, біреуі Жаңаөзенде, Қарақия және Түпқараған аудандарында. Алайда олардың қызметі басқа мақсатта болған.

Барлық мекемелерде кәмелетке толмаған тәрбиеленушілердің діни әдебиет пайдаланғаны және басқа да заң бұзушылықтар анықталды. Сонымен қатар, аталған қайырымдылық мекемелерінің білім беру қызметімен айналысуға лицензиясы болмаған, бұл балалардың білім алу, тәрбие және уақтылы медициналық көмек алу құқықтарын бұзды.

Тексеру нәтижесінде пансионат басшылығына қатысты 11 әкімшілік хаттама толтырылды. Еңбек, санитарлық-эпидемиологиялық және өрт қауіпсіздігі заңнамасы талаптарын бұзғаны үшін 1,3 млн теңге көлемінде айыппұл салынды. Балаларды дұрыс тәрбиелемегені үшін олардың заңды өкілдері — ата-аналары де әкімшілік жауапкершілікке тартылды.

Бұл пансионаттардың бәрі тіркеуден алынып тасталды.