Маңғыстауда жұрт көзінше әйелін пышақтаған адам қамалды

Маңғыстаудағы супермаркет маңында қалың жұрттың көзінше әйеліне бірнеше рет пышақ сұққан ер адам уақытша ұстау изоляторына қамалды, деп хабарлайды Orda.kz.

Оқиға 2024 жылдың 14 шілдесіне қараған түні «Рахат» супермаркетінің жанында болған. Қазір жәбірленуші ауруханада жатыр, деп жазды lada.kz.

«Күдікті ұсталып, уақытша ұстау изоляторына қамалды. Адам өлтіруге оқталу бабы бойынша қылмыстық іс қозғалды. Басқа мәліметтер тергеу мүддесі үшін жарияланбайды» деп хабарлады полициядағылар.

Әлеуметтік желіде қанға малынған әйелдің видеосы тарап кетті. Кадрлардан оқиға көпшіліктің көзінше болып жатқанын, бірақ ер адам оқиға куәгерлеріне жұдырық ала жүгіріп, қорқытқандықтан жәбірленушіні қорғауға ешкімнің әрекет жасамағанын көруге болады.