Маңғыстауда уланған мектеп оқушыларының саны 140 адамнан асты

Маңғыстау облысы денсаулық сақтау басқармасының баспасөз қызметі дәрігерлер Бесшоқы ауылынан уланған мектеп оқушыларының жағдайын толық қадағалап отыр деп сендірді, деп хабарлайды Orda.kz.

Осы уақытқа дейін 141 бала медициналық көмекке жүгінген. Емханада 82 бала ем алуда. 43 бала үйде, 16 бала ауруханада, деп жазады Lada.kz

Екі бала жансақтау бөліміне жатқызылды, деп хабарлады Маңғыстау облыстық балалар ауруханасының директоры Гүлжан Ермекбаева.

Денсаулық сақтау басқармасы төсек-орынмен, дәрі-дәрмекпен жеткілікті қамтамасыз етілген деп сендірді.

Облыс бойынша толық құрамдағы жедел жәрдем бригадалары халыққа қызмет көрсетуде.

Жұма күні, 6 қыркүйекте Бесшоқы ауылындағы №8 мектепте бірінші ауысымдағы 1-4 сынып оқушылары мектеп асханасында жаппай уланып қалған болатын.