Маңғыстауда оқушыға дөрекілік танытқан мұғалім жазаланды

Маңғыстау облысында мұғалімнің Баутино ауылындағы мектепте оқушыдан сырт киімін шешуді талап етіп, дөрекілік танытқан мұңалім жазаланды, деп хабарлайды Orda.kz.

Бұл оқиғаның бейнежазбасы әлеуметтік желілерде қызу талқыланып жатыр. 

Бейнежазбада мұғалім оқушыдан сырт киімін шешуді және тестілеу алдында телефонын тапсыруды талап етеді. Мұғалім оқушы қыз тыңдамаған соң, сөгіп, дөрекі сөздер айтады.

Өңірлік InAktau.kz порталының мәліметіне сүйенсек, Горький атындағы мектеп-лицейде болған оқиғаға қатысты қызметтік тергеу жүргізілді. Аудандық білім бөлімі жанындағы комиссияның шешімімен, мұғалім этика нормаларын бұзғаны үшін тәртіптік жауапкершілікке тартылды. Мектепте педагогтар мен оқушыларға түсіндіру жұмыстары жүргізілді.