Маңғыстауда мектеп оқушысын ит талап тастады

Маңғыстау облысында ит 15 жасар мектеп оқушысын талап тастады, деп хабарлайды Orda.kz.

Желіде жасөспірімнің жол жиегінде қансырап жатқаны түсірілген бейнебаян пайда болды. Жазбада Ақшүкір ауылында жасөспірімге ит шабуыл жасағаны айтылған. Бала облыстық балалар ауруханасына жеткізілді, жағдайы ауыр деп бағалануда.

Облыс полициясы ит иесінің жеке басын анықтағанын хабарлады.

«Иттің иесіне жануарларды ұстау ережелерін бұзғаны үшін ҚР ӘҚБтК-нің 407-бабы бойынша әкімшілік хаттама толтырылды» деп жазылған хабарламада.