Маңғыстауда 20 жасар жұмысшының қолы диірмен тасына кіріп кетті

Маңғыстау облысы Мұнайлы ауданында 20 жастағы жігіт абайсызда қолын қайта өңдейтін диірменге тығып алды. Құтқарушылар келіп, диірменді бөлшектеп, азаматты құтқарды, деп хабарлайды Orda.kz.

Қалдық өңдейтін зауытта күн көріп жүрген жігітті құтқарушылар дер кезінде құтқарып қалды.

«Мұнайлы ауданының қатты-тұрмыстық қалдықтар полигоны аумағында орналасқан цехта 2004 жылы туған жұмысшының қолы абайсызда пластикті қайта өңдеу құрылғысының диірмен тастарына кіріп кетті. Құтқарушылар арнайы құралдардың көмегімен құрылғыны мұқият бөлшектеп, жәбірленушінің қолын босатты. Осыдан кейін ер адамды ауруханаға жету үшін оны күтіп тұрған жедел жәрдем көлігіне мініп кетті»,  деп мәлімдеді ТЖМ.