Маңғыстау тұрғындары Әзірбайжан халқына көңіл айтты

Ақтау тұрғындары Әзірбайжан консулдығы ғимаратына келіп, гүл шоқтарын қоюды әлі жалғастырып жатыр, деп хабарлайды Orda.kz.

Консул қабырғасында «Қайғыларыңа ортақпыз, берік болыңдар» деген екі елдің туы бейнеленген жазба ілінген. Тұрғындар гүл шоқтарын қойып,  хат жазып қалдыруды әлі де жалғастырып жатыр.

«Бұндай жағдайды көру – өте қайғылы. Біз бауырлас халқымызға қолдау көрсетуге дәйім дайынбыз» деп жазылған хаттардың бірінде. 

Консулдыққа Маңғыстау облысы мен Ақтау қаласының әкімі келді. Олар да қайғылы оқиғаға көңіл айтып, хат қалдырды.