Маңғыстау облысы ұлғаяды: облыс шекарасы кеңейтілді

Премьер-министр Олжас Бектенов үкімет қаулысына қол қойды, оған сәйкес жақын арада Маңғыстау облысының шекарасы өзгереді. Облыс аумағы ұлғайтылады.

Үкімет қаулысында Қазақстан Республикасының мемлекеттік шекарасы туралы және әкімшілік-аумақтық құрылымы туралы заңдарға сәйкес Маңғыстау облысының шекарасы кеңейтілетіні айтылған. Облысқа Қазақстанның Каспий теңізіндегі аумақтық сулар енін және аумақтық сулардың сыртқы шекарасын өлшеуге арналған базалық сызықтар арасында орналасқан аумақ кіреді.

Маңғыстау облысының аумағы ені 12 теңіз милі болатын «жолаққа» ұлғайтылады. Оның жалпы аумағы 1 638 837,5 гектар болды.

Үкіметтің 17 мамырдағы қаулысы 23 мамыр күні таңертең Премьер-Министрдің сайтында жарияланды және он күннен кейін күшіне енеді.