Маңғыстау мектебіндегі жаппай улануға қатысты тексеріс не себепті жүрмейді

Бала құқықтары жөніндегі уәкіл Динара Зәкиева жақында балалардың жаппай улануы орын алған Маңғыстау облысындағы мектепке барды, деп хабарлайды Orda.kz.

Омбудсмен зардап шеккен балалар жатқан ауруханада болды. Динара Зәкиеваның айтуынша, ауыл мектебінде сабақ жалғасуда, бірақ балалар басқа жерде тамақтанады.

Облыс әкімі және СЭҚ басшысымен жағдайды талқылаған Динара Зәкиева бұған дейін мектепте неліктен тексеріс жүргізілмегенін түсіндірді.

«Тексеру кезінде асхана жабылды. Осыған байланысты кіші сыныптардың оқу күні қысқартылды. Негізгі мәселе  – СЭҚ-нің нақты шағымдарсыз  мектепке тексеру жүргізуге құқығы жоқтығында. Бір жылдан кейін әйелдер құқықтары мен балалардың қауіпсіздігі туралы заң аясында қабылданған норма күшіне енеді. Бұл СЭҚ-ке жоспарлы түрде тексеру жүргізуге мүмкіндік береді», — деп түсіндірді Зәкиева.

Соымен қатар, Зәкиева сарапшылар мемлекеттік органдармен бірлесіп, мектептегі тамақтандыру сапасын арттыру және жеке кәсіпкерлер көрсететін қызметтердің қауіпсіздігін арттыру үшін заңнамалық база әзірленетінін атап өтті.