«Маңғыстау мектебіндегі жанжал»: Мұғалімдерден ақша жинаған басшылық

КММ «№3 арнайы мектебінің» басшылығы мұғалімдерден ақша жинап келгені белгілі болды.

Бұл туралы Маңғыстау облыстық прокуратурасы хабарлады.

Тексеру барысында мекеме басшылығының заңсыз ақша жинаумен айналысқаны анықталды. Атап айтқанда, мектеп басшылығы мұғалімдерден ай сайын «Kaspi bank» және «Halyk bank» мобильді қосымшалары арқылы ақша жинап отырғаны белгілі болды.

Сонымен қатар, кейбір адамдарға жоғары мөлшерде сыйақы тағайындау және ауызша бұйрық негізінде ақша аудару фактілері де анықталды. Мектеп директоры өз қарамағындағы қызметкерлерді кейде тіпті әкімшілік айыппұл төлеуге мәжбүрлеп отырды.

Аталған заңбұзушылықтар мен лауазымдық өкілеттіктерді асыра пайдалану фактілері бойынша Қылмыстық кодекстің 361-бабы бойынша алдын ала тергеу басталды.