Маңғыстау атом электр комбинатының бас директоры қызметінен кетті

Маңғыстау облысындағы МАЭК бас директоры Жасұлан Сүйіншәлиев қызметінен кетті, деп хабарлайды Лада.

«Құрметті достар, әріптестер! Менің басшылығым кезіндегі ынтымақтастығыңыз бен адал жұмыстарыңыз үшін әрқайсыңызға алғыс айтамын. Сіздердің көмектеріңіз бен қолдауларыңызбен зауытымызды жаңғыртудың дұрыс бағытын әзірледік деп сенемін. Осы уақыт ішінде біз көп нәрсе жасадық, бірақ МАЭК өңірді энергия ресурстарымен үздіксіз қамтамасыз ету үшін әлі көп нәрсе істеу керек. Дендеріңізге саулық, табыс, отбастарыңызға амандық тілеймін. Іскерлік ынтымақтастық пен жеке қарым-қатынасымыз жалғасады деп үміттенемін. Құрметпен, Жасұлан Сүйіншәлиев» делінген интернетте тараған хабарламада. 

Кәсіпорынның баспасөз қызметі Жасұлан Сүйіншәлиевтің денсаулығына байланысты қызметінен кеткенін хабарлады. Енді компанияны кім басқаратыны әзірге жарияланған жоқ.

Сүйіншәлиев 2022 жылдың 10 желтоқсанынан МАЭК-ті басқарды.