Маңғыстаудағы компанияға төгілген мұнай қалдықтары үшін айыппұл салынды

Төгілген мұнай қалдықтары үшін жеке компанияға 60 миллион теңге айыппұл салынды.

Маңғыстау облысы Қарақия ауданы тұрғындарының төгілген мұнай қалдықтары туралы арыздарынан кейін экология департаментінің мамандары «VOID» ЖШС-не жоспардан тыс тексеру жүргізді.

Маңғыстау облысы бойынша экология департаментінің мамандары оқиға орнына барып, көзбен шолу жасады. Экологтар тексергеннен кейін ақпарат расталды. Сонымен қатар экологтар сараптамаға топырақ үлгілерін алды.

Серіктестік Әкімшілік кодекстің төрт бабын бірден бұзған. Оларға 59 млн 728 мың теңге айыппұл салынды, деп хабарлады экология департаменті.