Маңғыстауда Тимур Құлыбаевқа қатысы бар жер қойнауы пайдаланушы лицензиясынан айырылды

Маңғыстау облысында экс-президент Нұрсұлтан Назарбаевтың күйеу баласы Тимур Құлыбаевқа қатысы бар жер қойнауы пайдаланушы компанияның лицензиясынан айырылды, деп хабарлайды Лада.

«Лицензия алған жер қойнауын пайдаланушылардың ішінде үшеуі Маңғыстау облысының аумағында өз қызметін жүзеге асырған. Олардың ішінде: «Теміржол жөндеу» жауапкершілігі шектеулі серіктестігі (ЖШС), бенефициарлар тізімінде Тимур Құлыбаев, сондай-ақ «ҚазТранс-4» ЖШС және Табылдиев Бисебай Аманханұлы (ҚР) бар» делінген хабарламада.

Атап өтілгендей, Мемлекет басшысының тапсырмасы аясында еліміздегі пайдалы қазбалар кен орындарына аудит жүргізіліп, нәтижесінде пайдаланылмаған (үш және одан да көп жылдан бері) кен орындарын алып қою және жаңа инвесторларды тарта отырып, одан әрі игеру мақсатында анықталған.

«23 желтоқсандағы жағдай бойынша министрлік қатты пайдалы қазбалар бойынша жер қойнауын пайдалануға 92 келісімшартты бұзу және 183 лицензияны тоқтату шараларын қабылдады. Лицензия мен келісімшарт талаптарын бұзу туралы 1 779 хабарлама жіберілді» деп нақтылады Индустрия және инфрақұрылымдық даму министрлігі.