Маңғыстауда педофил полиция ғимаратында өзіне қол жұмсады

Маңғыстауда күдікті полиция ғимаратының терезесінен құлап қайтыс болды, деп хабарлайды Lada.

«Полицияға 16 және 12 жастағы кәмелетке толмаған қыздарды зорлау фактісі бойынша әйел арызданған. Тергеу барысында күдікті қыздардың ата-анасының жақын досы екені белгілі болды. Ер адам 2019 жылы зорлық-зомбылық жасай бастаған. Ол қыздардың ата-анасы күдіктенгенше төрт жыл бойы зорлық жасап келген. Құқық қорғау органдары сол күні қыз зорлады деген күдікпен жергілікті тұрғынды ұстады. Ер адам өз кінәсін мойындап, содан кейін өз-өзіне қол жұмсау үшін полиция бөлімшесінің терезесінен секіріп кеткен» делінген хабарламада.

Бірнеше күннен кейін ол ауруханада қайтыс болды.

Оқиға 2023 жылдың 5 ақпанында Маңғыстау облысының аудандарының бірінде болған.

«Бұл дерек ҚР Қылмыстық кодексінің 120-бабының 4-бөлігі (бірнеше рет зорлау) бойынша сотқа дейінгі тергеп-тексерудің бірыңғай тізіліміне тіркелді. Тиісті сараптамалар тағайындалды. Қазір тергеу амалдары жүргізілуде. Тергеу мүддесіне қатысты басқа ақпарат жария етілмейді» деді полиция.