Маңғыстауда 11 жасар қыз ұйықтап жатқан екі әпкесін пышақтап тастады

Оқиға 14 сәуір күні Ақшұқыр ауылында болған. Полиция бөлімшесіне қоңырау таңғы сағат 4-тер шамасында түскен.

Зардап шеккен қыздар   19 және 12 жаста. Полиция бұл фактіні растады, деп жазады Lada.kz.

«Анықталғандай, 11 жастағы кәмелетке толмаған қыз ұйықтап жатқан (айкезбе ауруы болуы мүмкін) 19 және 12 жастағы әпкелерін ас үй пышағымен пышақтап тастаған. Зардап шеккендер ауруханаға жеткізілді. Олардың біріне медициналық көмек көрсетілген соң үйіне жіберілсе, екіншісі әлі ауруханада жатыр. Аталған дерек Қазақстан Республикасы Қылмыстық кодексінің 106-бабының 2-бөлігі «Денсаулыққа қасақана ауыр зиян келтіру» бойынша тіркеліп жатыр. Қазір тергеу амалдары жүргізілуде. Тергеу мүддесіне қатысты басқа ақпарат жарияланбайды», - деп хабарлады облыстық полиция департаменті.