Маңғыстау облысының жаңа әкімі болып бұрынғы күдікті Ғалымжан Ниязов тағайындалды

Бүгін жақында ғана төбелеске қатысқан экс-әкім Тілек Қошмағанбетов қызметінен кеткені белгілі болды.

Еске салсақ, 12 қыркүйекте желіде Тілек Қошмағанбетовке ұқсайтын ер адамның күзетшіні итеріп, бетінен ұрғаны түсіп қалған видео тараған болатын. Әкімдіктегілер видеодан өз қызметкерін тани алмағандарын айтты.

Тілек Қошмағанбетов Маңғыстау облысының әкімі қызметінен босатылуы мүмкін деген ақпарат кеше, 15 қыркүйекте пайда болды. Ал бүгін жаңа әкім Ғалымжан Ниязов таныстырылды.

Тілек Қошмағанбетов Facebook парақшасында денсаулығына байланысты қызметінен кеткенін айтып, «Ербол Еділовтың лауазымына қатысты мәселе мүлде басқа әңгіме» деп, алдағы уақытта белгілі болатынын жазды.

Ниязовтың кандидатурасы президент әкімшілігімен келісілді. 2022 жылдың ақпан айында ол Маңғыстау облысы әкімінің орынбасары ретінде сұйытылған мұнай газын жеткізуді қадағалап, ауыр зардаптарға әкеп соққан лауазымдық өкілеттіктерін асыра пайдаланды деген күдікпен ұсталды. Ол қамауға алынып, кейін үйқамаққа шығарылды, мамыр айында ол жұмысқа оралды. Бір аптадан кейін сот шешімі заңды күшіне енгендіктен, Ниязов тағы да қызметінен босатылды.

Еске салсақ, бұрын Ғалымжан Ниязов Ақтау қаласының әкімі және Маңғыстау облысы әкімінің орынбасары қызметтерін атқарған.