Мамыр айындағы мереке күндеріне байланысты шекара бекеттерінің жұмыс уақыты өзгереді

1, 7 және 9 мамырда шекара бекеттерінің жұмыс уақыты өзгереді, деп хабарлайды Orda.kz Ұлттық қауіпсіздік комитетінің баспасөз қызметіне сілтеме жасап.

Қазақстан-Қытай шекарасында «Қорғас» халықаралық шекаралық ынтымақтастық орталығы мен теміржол өткізу бекеттерін қоспағанда, автомобиль өткізу бекеттерінде адамдардың, көлік құралдарының және жүктердің өтуі уақытша тоқтатылады.

Қазақ-өзбек шекарасында жүргізіліп жатқан жөндеу жұмыстарына байланысты «Қапланбек» өткізу бекеті жабылып, «Тәжен», «Атамекен» және «Қазығұрт» бекеттерінде адамдар мен көлік қозғалысы шектелді.

«Ресей, Қырғыз және Түркімен бағыттарында бақылау-өткізу пункттері әдеттегідей жұмыс істеп тұр. Азаматтарға өз бағыттарын алдын ала жоспарлау ұсынылады» деп хабарлады Ұлттық қауіпсіздік комитетінің баспасөз қызметі.