Мамыр айынан бастап жедел жәрдем қызметінің жұмыс тәртібі өзгереді

1 мамырдан бастап жедел жәрдемнің жұмыс тәртібі өзгереді, деп хабарлайды Orda.kz. 

Мобилдік бригадалардың жұмыс тәртібі өзгеретінін денсаулық сақтау министрлігі мәлімдеді. Министрлік азаматтардың 103 нөмірі бойынша шұғыл шақырту құқығын шектемейтінін айтты. 

Жаңа жұмыс тәртібі бойынша, емханалардың жанындағы мобилдік бригадалар 8:00-ден 20:00-ге дейін жұмыс істейді. Өмірге қауіп төндірмейтін жеделдіктің 4-санатындағы шақыртулар (мысалы, жоғары қысым, температура, жеңіл жарақаттар) емханалардың жұмыс уақытында мобилдік бригадаларына тапсырылады. 20:00-ден кейін және демалыс күндері барлық шақыртуларға, соның ішінде 4-санатқа, бұрынғыдай, жедел жәрдем бригадалары қызмет көрсетеді.

Министрліктің мәліметінше, жедел жәрдем шақыртуларының 50%-дан астамы созылмалы аурулардың өршуіне байланысты жеделділіктің 4-санатына жатады екен. Сондықтан мұндай шақыртулар шұғыл көмекке мұқтаж адамдардың дер кезінде жедел жәрдем алуына кедергі келтіреді. 

МСАК мобилдік бригадасы шақыртуға 60 минут ішінде келеді. Ал шұғыл жағдайларда келу уақыты 1-санат үшін — 10 минут, 2-санат — 15 минут, 3-санат — 30 минут болады.

Айта кетейік, қаңтар айында Қарағандыда жедел жәрдем бір емес төрт рет ауруханаға алып кетуден бас тартқан бала қиналып көз жұмған еді.