«МӘМСҚ басшысының айлығы 1 400 000 теңге»: Петиция жайы не болмақ?

МӘМС қорының басшысы Әбілқайыр Сқақов міндетті әлеуметтік медициналық сақтандырудағы жарналар мен аударымдар жүйесін өзгерту туралы петиция мен басшылықтың қанша сыйақы алатынын айтты.

Бұл туралы Orda.kz хабарлады.

МӘМС қорының басшысы Әбілқайыр Сқақов МӘМС тақырыбына арналған брифингте петиция қарастырылуы үшін оның 50 мыңнан астам дауыс жинауы керек екенін айтты.

«МӘМС-ті беру немесе өкілеттік ету қарастырылмаған, бұл жүйенің негізгі принципі. Бүгін сіз жарна аударсаңыз, олар мұқтаждарға кетеді. Бірақ медициналық көмек қажет болғанда, жалпы қаражат есебінен көмек көрсетіледі. Бірақ мен петицияға қатысты пікір білдіргім келмейді. Әр нәрсенің өз уақыты бар», – деді Қор басшысы.

Сонымен қатар, Сқақов петицияда кәсіпкерлердің кірісі болмаса, қызметін тоқтата алатынын және мұндай жағдайда декларация мен салықтар, МӘМС жарналары болмайтынын айтты.

«Ал жарналарды бір көзден төлеуге байланысты белгілі бір шек бар. Одан жоғары болса, бірнеше жұмыс істесеңіз де, қосымша төлем болмайды. Бұл 17 мың теңге, яғни 850 мың теңге жалақы. Бұл жоғарғы шек», – деп түсіндірді Сқақов.

Еске салайық, бұған дейін ePetition.kz сайтында «МӘМС жүйесін өзгерту қажет» деген атаумен петиция пайда болған еді.

Сондай-ақ, брифинг барысында Әбілқайыр Сқақов МӘМС басшылығының жылдық сыйақысы туралы сұрақтарға да жауап берді. Сқақовтың айтуынша, басшылық үшін максималды сыйақы жылына 650-700 мың теңге. Ол өткен жылы топ-менеджерлердің  миллионға жуық  сыйақы алғаны туралы ақпарат шындыққа жанаспайтынын айтты. Ал өзінің ай сайынғы жалақысы 1 400 000 теңге.

«Қордың топ-менеджерлері бес адамнан тұрады, бұл басқарма. Олар соңғы үш жылда бонус алған жоқ, бұрын да алған емес және қазір де алмайды. Мен және менің орынбасарларым алған максималды сыйақы жылына 650-700 мың теңге көлемінде. Бұл директорлар кеңесінің шешімімен шектелген. Ал коллективтің сыйақысы жеке қызметкердің KPI-ына байланысты» , – деді Әбілқайыр Сқақов.