Мамин құрғақшылықтың астыққа қалай әсер еткенін айтты

Қазақстанның Премьер-министрі Асқар Мамин Қазақстанда құрғақшылық салдарынан астық жинау көлемі төмендегенін мәлімдеді.

Бұл туралы Orda.kz хабарлайды.

Үкімет отырысында сөйлеген сөзінде Мамин астық жинаудың бүкіл әлемде күрделі болып жатқанын айтып, оған себеп ау-райының қолайсыздығы екенін алға тартты.

– Қазақстанда дәнді және майлы дақылдардың жалпы жиналуын 18 миллион тонна деңгейіне жеткізу жоспарлануда, оның ішінде 16 миллион тоннасы дәнді және бұршақты дақылдар. Бүгінгі таңда егін жинау жұмыстарының 95 пайызға жуығы орындалды.

Ағымдағы жылы құрғақшылық салдарынан астық көлемінің төмендеуіне қарамастан, елдің астыққа деген ішкі қажеттілігі толық қамтамасыз етілді. Экспортқа 6 - 6,5 миллион тонна астық көлемін сату мүмкіндігі бар , - деді Мамин.

Премьер-министрдің айтуынша, жаңа егіннің сапалық көрсеткіштері айтарлықтай өскен.

– Глютені бар бидай көлемі 28 пайыздан астам жиналған өнім көлемінің 74 пайызына жетті. Бұл сұрыптағы бидай әлемдік нарықта жоғары сұранысқа ие екенін ескеру қажет. Форвардтық сатып алу бағдарламасы шеңберінде «Азық-түлік корпорациясына» астық жеткізуді қамтамасыз ету қажет, - деп қосты Мамин.