Мамин мемлекеттік шекарадағы бақылауды күшейтуді тапсырды

Маминнің төрағалығымен Үкімет отырысы өтіп, елдегі санитарлық-эпидемиологиялық жағдай қаралды. Денсаулық сақтау министрі Алексей Цой санитарлық-эпидемиологиялық жағдай тұрақты болып тұрғанын айтты. Коронавирус инфекциясынан ауырып жатқан науқастардың саны азаюда – инфекциялық төсек-орындар 24%, реанимациялық төсектер 21% толы.

Қазақстан Республикасы премьер-министрінің ресми ақпараттық ресурсы үкімет басшысы вакциналау қарқыны төмен Маңғыстау, Қостанай және Батыс Қазақстан облыстарында халықты вакциналаумен және ревакцинациямен қамтуды ұлғайтуды тапсырды.

Әкімдіктерге Денсаулық сақтау, Ақпарат және қоғамдық даму министрліктерімен бірлесіп, халық арасында ревакцинациялау қажеттілігі туралы ақпараттық-түсіндіру жұмысын жүргізуді тапсырды.

– Коронавирус инфекциясынан қорғанудың негізгі тиімді құралы – вакцина алу мен ревакцинация, - деді А. Мамин.

Шетелде вирустың жаңа штамының таралуын ескере отырып, премьер-министр елге сырттан келетін адамдарға мемлекеттік шекарада күшейтілген бақылау жасауды жалғастыруды тапсырды.