«Мама, неге рөлге отырдың?». Жол апатында 9 жасар қыз зардап шекті

Әлеуметтік желіде Нұр-Сұлтан маңындағы тас жолда апат болған жерден көңіл түсірер видео жарияланды. Көлікті 48 жастағы әйел жүргізген, ішінде 9 жасар қызы болған.

Видеода қыздың шошып айқайлағаны желі қолданушыларын алаңдатып қойды.

Кішкентай бала «мама, неге рөлге отырдың?» деп жылап жатқаны көрінеді. Көлік аударылып қалған.

Ақмола облысы полиция департаментінің баспасөз қызметінің айтуынша, жол апаты 6 шілдеде сағат 13:46-да Нұр-Сұлтан - Петропавл тас жолының 194-ші шақырымында орын алған.

– Toyota RAV4 автокөлігінің жүргізушісі, 48 жастағы Нұр-Сұлтан қаласының тұрғыны, Көкшетау қаласы бағытында келе жатып, алдыңғы оң жақ доңғалақтың қысымын төмендету нәтижесінде көлікті басқара алмай, көлік аударылып қалған, - деді полиция бөлімінде.

Апат салдарынан 9 жасар қыздың төменгі жақ сүйегі зақымданған және 48 жастағы келіншектің кеуде қуысы көгерген. Олар орталық аудандық ауруханаға жеткізілді.

Жүргізушіге қатысты Әкімшілік кодекстің 610-бабы бойынша әкімшілік хаттама жасалды.