Малды айдалаға апарып сойып отырған қаскөйлер ұсталды

Абай облысында жылқы ұрлаумен айналысқан қылмыстық топ ұсталды, деп хабарлайды Orda.kz.

Абай облысында 50-ден астам жылқы ұрлаған қылмыстық топ анықталды. Топ төрт адамнан құралған, олардың бірі шаруа қожалығын басқарған. Ұрланған малды далаға апарып, етін сату үшін сойып отырған. Тірі жылқыларды КамАЗ-бен оңтүстік аймақтарға дейін, ал етті облыс базарларына дейін жеткізген.

«Жалпы соңғы бес жылда мал ұрлығы 64%-ға азайды. Жыл басынан бері 419 мал ұрысы ұсталды. 65 қылмыстық топ жойылды. 3,5 мыңға жуық мал иелеріне қайтарылды», деді ІІМ Криминалдық полиция департаментінің бастығы Қанат Нұрмағамбетов.

Айта кетейік, мал ұрлығы үшін мүлкі тәркіленіп, 12 жылға дейін бас бостандығынан айыру жазасы көзделген.