Мақсат Толықбай: АЭС салу мәселесі мен Ресейдің рөлі

Мәжіліс депутаты Мақсат Толықбай АЭС құрылысы туралы пікірін білдірді, деп хабарлайды Orda.kz. Оның айтуынша, Ресейдің АЭС салуға мүмкіндігі жоқ.

Мәжіліс депутаты МАГАТЭ талаптарына сүйене отырып, қазіргі уақытта АЭС-ті бір мемлекет тұрғыза алмайтынын атап өтті.

«АЭС-ті кім салады? Ресей салса, біз Мәскеуге тәуелді болып қалмаймыз ба?», – деді ол. 

Себебі Толықбай Ресейдің реакторларын сыртқа шығара алмайтынын, себебі санкция салынғанын  ескертті.

 «Қазіргі уақытта МАГАТЭ ережелеріне сәйкес, кез келген АЭС-ті бір мемлекет сала алмайды. Технологиясы озық Франция мен Оңтүстік Корея АЭС салса, оларға тәуелді болуымыз мүмкін. Салынған жағдайдың өзінде бұны  бірнеше мемлекет бірігіп жүзеге асырады», – деді Толықбай.

Сонымен қатар, АЭС-тің құрылысы бүгін-ертең басталмайтынын, оған кем дегенде 10-15 жыл уақыт қажет болатынын және Қазақстан үшін бұл жоба 20 жылдан кейін іске асырылуы ықтимал екенін қоса айтты.