Макрон Франция туын өзгертті

Франция президенті Эммануэль Макрон Францияның туындағы көк түстің орнын қою көк түспен алмастырып, рәмізге өзгеріс енгізді.

Europe 1 телеарнасының хабарлауынша, бұл өткен жылдың шілде айында болған.

Түстің өзгеруі туралы ешқандай хабарлама жасалмаған. Елдегі барлық басқа ресми туларды өзгертуге нұсқау берілмеген. Шешім «жабық есік» түрінде қабылданды. Президент бұл ойын жүзеге асырғанға дейін жария етпеген.

Француз билігінің пікірінше, мұндай көк түс ұлы француз революциясының туына ұқсайды. Сонымен қатар ресми іс-шараларда көбінесе француз триколорының жанында болатын Еуропалық одақ туы аясында айқын көрінеді.

Жаңартылған тулар Елисей сарайының, ұлттық ассамблеяның және ішкі істер министрлігінің ғимараттарында ілініп тұр. Француз туының түсін өзгерту туралы шешімді республика президенті 2020 жылдың 13 шілдесінде Елисей сарайындағы операциялық директор Арно Жоленстің бастамасымен қабылдады.