Мақпал Жүнісова Заманбекке қойылған ескерткіш рәсіміне неге қатыспады?

Бүгін Алматы облысының Кеген ауылында мемлекет және қоғам қайраткері Заманбек Нұрқаділовке арналған бюстің салтанатты ашылуы өтті. Тілшіміз сол рәсімге қатысты. Алайда онда Мақпал Жүнісова болмады. Әнші өзінің Іnstagram парақшасына соның себебін жазды, деп хабарлайды Orda.kz.

Ол Заманбек Нұрқаділовтің шығармаларын жинақтап 2 кітап шығарғанын және жартысын Алматы, Қарағанды, Астана және 19 жыл қайтқан күнінде құран бағыштағанда таратып келгенін хабарлады. Ал кітаптардың қалғанын Заманбек Нұрқаділовтің туған жеріне, артылғанын өз еліне жіберіпті.

Ол Instagram парақшасында ескерткіштің ашылу салтанатының бейнежазбасын жариялады. «Неге қатыспадыңыз?» деп сұрағанда « Өзін көргісі келмейтін ұрпақтары» қатыссын деп шешкенін айтып жауап қатты.

«Мені қарғап, көргісі келмеген Зәкеңнің ұрпақтары барсын деп шештім, кейін Мерей екеуміз барып тағзым жасаймыз,  Зәкеңнің рухына тегін концерт бағыштаймын деп отырмын», — деп жауап берді Мақпал Жүнісова. 

Еске сала кетсек, бүгін Заманбек Нұрқаділовке арналған ескерткіштің ашылу салтанаты өтті.