Макинскідегі вандализм актісі: Ресей СІМ ауған жауынгерлеріне арналған мемориалды қорлау туралы түсініктеме берді

Ресей СІМ ауған жауынгерлеріне арналған мемориалды қорлау туралы түсініктеме берді, деп хабарлайды Orda.kz порталы.

«Бұл заңсыз әрекет қатаң айыптауға лайық. Әскери қызметте қаза тапқан жандардың ескерткішін қорлауды ақтауға болмайды» делінген хабарламада.

Бұған дейін қазақстандық БАҚ-та вандалдар Ұлы Отан соғысына қатысушыларға арналған ескерткішті қиратқаны туралы ақпарат пайда болған. Бірақ дипломатиялық өкілдік ауған жауынгерлеріне арналған мемориал қорланғанын түсіндірді. Сыртқы істер министрлігі бұл оқиғаға қатысты болжам жасап, жалған ақпарат таратқан комментаторларды айыптады.

«Ұлы Отан соғысы батырларына арналған мемориал жойылды деген жалған ақпарат таралуда. Осылайша, Отанымыздың азаттығы мен тәуелсіздігін қолына қару алып қорғағандардың қасиетті естелігіне қазақ халқының шынайы көзқарасын бұрмалау әрекеттері жасалып жатыр» деп түсіндірді елшілік.