«Майқайың алтын» қасіреті: Өтемақы төрт есе қысқарды

Марқұмның отбасы жұмыс берушіден 120 миллион теңге моральдық шығын өтеуді талап етіп, сотқа шағым түсірді, деп хабарлайды Orda.kz.

Сот марқұмның анасы, қызы, ұлы және әпкесінің талаптарын қанағаттандырып, жұмыс берушіні әрқайсысына 30 млн теңгеден, жалпы сомасы 120 млн теңге төлеуге міндеттеді.

Алайда істі қайта қарау барысында Павлодар облыстық соты өтемақы сомасын төрт есеге қысқартып, әр адамға 7,5 миллион теңге тағайындады. Сот шешімін «парасаттылық, әділдік және жеткіліктілік» қағидаттарына сүйене отырып өзгертті.

«Бірінші сатыдағы сот моральдық зиян мөлшерін анықтау кезінде жазатайым оқиға актісін және арнайы тергеп-тексеру қорытындысын басшылыққа алды, онда жұмыс берушінің 100% кінәлі екені көрсетілген. Бірақ сот апаттың «Майқайың алтын» АҚ өндірістік қызметімен тікелей байланысты екенін ескермеді», — деп түсіндірді Павлодар соты.

Тергеу өнеркәсіптік қауіпсіздікке тиісті бақылаудың болмауы және жобалық құжаттаманың жоқтығы қайғылы оқиғаға себеп болғанын анықтады. Барлық мән-жайларды ескере отырып, сот өтемақыны қысқарту әділетті деп шешті. Шешім заңды күшіне енді.

Естеріңізге сала кетейік, қайғылы оқиға қыста «Майқайың алтын» АҚ аумағында болды. Тышкевич және төрт құтқарушы шахтаға құлаған автобус ішінде болды.