Мәйіті Жайыққа тасталған бойжеткеннің денесі бір айдан бері табылмады

Атырауда бір айға жуық уақыттан бері 23 жастағы Яна Легкодимованың денесін іздестіру жұмыстары жүргізіліп жатыр, деп хабарлайды Orda.kz. 

«Мой Город» сайтының  мәліметінше, бойжеткеннің денесі әлі табылмаған. Яна Легкодимова 18 қазанда үйінен шығып, қайтып оралмады. Бұл күні анасы Ақтауда іссапарда болған. Кейінірек 24 және 25 жастағы екі ер адам қызды өлтіргендерін мойындады. Олар бойжеткенді өлтіріп, денесін Жайыққа тастаған. 

Атырау облысы Төтенше жағдайлар департаментінің құтқарушылары 22 қазаннан бері сүңгуір құрылғыларын пайдаланып оқиға аймағында су асты жұмыстарын жүргізіп, шолу жасап жатқанын мәлімдеді. Іздестіру жұмыстарына 5 техника, 7 төтенше жағдайлар қызметі қайығы мен полиция, сондай-ақ 20-дан аса адам қатыстырылған.