МАЭК-тегі апат үш аймаққа әсер етті

МАЭК-тегі апат тек Маңғыстаудың ғана емес, Атырау мен Батыс Қазақстан облыстарының электр желілері жүктемесіне әсер етті.

«KEGOK» АҚ бір күн бұрын 3-ші энергоблок өшірілгенін және Маңғыстау атом электр комбинатындағы  (МАЭК) жағдай туралы мәлімдеді. Компания бір күнде екі оқиға болғанын түсіндірді. Алдымен ЖЭО-2-де екі турбоагрегат сөндірілді. Бұл 45 МВт Атырау энергетикалық орталығында және 98 МВт Маңғыстау электр орталығындағы тұтынушылық тоқтауға әкелді.

«Автоматтандырудың жүйелі жұмысы желі мен инфрақұрылым нысандары үшін ауыр зардаптарды болдырмауға мүмкіндік берді. Бірінші санаттағы тұтынушылардың, өмірлік маңызы бар нысандардың, соның ішінде ауруханалар қызметі зардап шеккен жоқ» деп хабарлады KEGOK.

Содан бір сағаттан кейін 3-ші қуат блогы өшірілді.

«Осы себепті Атырау және Маңғыстау энергетикалық орталықтары оқшауланған жұмысқа бөлініп, Қаламқас ГТЭС және Орал ГТЭС-200 жұмысы үзілді (генерацияның 116 МВт-қа төмендеуі). Сағат 16:58-де Атырау мен Маңғыстау энергетикалық орталықтарының жұмысы бір уақытта қалпына келтірілді» деп түсіндірді компания

Ұлттық электр желісі қалыпты жұмыс істеуін жалғастырды, бұл істен шыққан қуаттарды ішінара ауыстыруға мүмкіндік берді. Енді Маңғыстау тұтынушылары электр қуатын шекті көлемде алады.

«МАЭК ЖЭО 3 блогында апатты қалпына келтіру жұмыстары аяқталғанға дейін желінің шамадан тыс жүктелуін болдырмау үшін Маңғыстау электр орталығының өнеркәсіптік тұтынушыларына күнделікті шектеу қажет болады. Бұл ретте тұрғындар мен әлеуметтік маңызы бар нысандардың қажеттіліктері басымдықпен қамтамасыз етіледі»  деп хабарлайды KEGOK