Махачкала әуежайы тәртіпсіздіктерге байланысты жабылды

Махачкала әуежайы тәртіпсіздіктерге байланысты жабылды - көп адам жолаушылар арасынан Израиль азаматтарын іздеп, ұшу-қону жолағын бұзып шықты.

Бұл туралы Baza Telegram арнасы хабарлады.

Арнаның хабарлауынша, қазір Нижневартовск пен Мәскеуден ұшатын ұшақтар әуежайға қона алмайды. Әуежай басшылары ұшақтарды көрші Ресей республикаларының әуежайларына қонуға бағыттау туралы шешім қабылдауы мүмкін.

Тергеу комитетінің Дағыстан бойынша департаменті жаппай тәртіпсіздік бабы бойынша қылмыстық іс қозғады. Бұл қылмысы үшін тәртіпсіздікке қатысқандар 8 жылдан 15 жылға дейін бас бостандығынан айырылады. Ресей Ішкі істер министрлігі Махачкаладағы тәртіпсіздікке қатысқандардың барлығының жеке басы анықталатынына сендірді, өйткені әуежайда бейнебақылау орнатылған.

29 қазан күні түстен кейін қауіпсіздік күштері Махачкала әуежайында қауіпсіздік шараларын күшейткенін хабарлады. Алайда қызметкерлер «еврейлерді анықтау» үшін келген жолаушылардың құжаттарын «тексеруге» кедергі келтірмеді. Жиналғандар Газа секторын аяусыз атқылауға байланысты Израильден келген босқындарды жібермейтіндерін айтты.

28 қазанда Қарашай-Черкескте Израильден Солтүстік Кавказға босқындардың келуіне қарсы митинг өтті. Бірнеше ондаған митинг қатысушылары шеру өткізудің белгіленген тәртібін бұзғаны үшін ұсталды.

26 қазанда Шешенстан басшысы Рамзан Қадыров республика мешіттерінде Палестинаны қолдау мақсатында жаппай тахажжуд намаздары өтіп жатқанын айтты. Оның айтуынша, мұсылмандар Алладан «Палестина халқын сионистік тирандардан құтқаруды» сұрайды.