Мәжіліс онлайн-платформалар мен интернет-жарнама туралы заң жобасын мақұлдады

Мәжіліс онлайн-платформалар және онлайн-жарнама туралы заң жобасын бірінші оқылымда мақұлдады, деп хабарлайды ҚР Білім және ғылым министрлігінің баспасөз қызметі.

Депутаттар бастамашы болған заң жобасын әріптестерге Мәжілістің Халықаралық істер, қорғаныс және қауіпсіздік комитетінің хатшысы Айдос Сарым таныстырды. Оның айтуынша, заңды әзірлеудегі мақсат – ең алдымен адам құқығын қорғау.

«Азаматтар интернетте өз құқықтарын қорғауды талап етеді. Олардың артында мықты мемлекет тұрғанын анық сезінулері керек. Біз шығарып жатқан заң әлеуметтік желілерді бұғаттауға немесе біреудің құқығын бұзуға арналмаған. Екі жыл бұрын кибербуллинг туралы заң қабылданғанда да біраз келіспеушіліктер болған. Бірақ бұл заңдардың өміршеңдігі мен қажеттілігін өмірдің өзі дәлелдеп берді», - деді депутат.

Заң жобасында онлайн-платформаларда жалған ақпаратты орналастыруға және таратуға тыйым салынады. Олардың иелері үшін қате немесе жалған ақпаратпен және салық төлеуден жалтарумен күресу үшін мемлекеттік органдармен өзара іс-қимыл жасау міндеттері белгіленеді.

Пайдаланушылар үшін - орналастырылған онлайн-жарнамаларды белгілеу туралы, сондай-ақ олардың қызметін кәсіпкерлік заңнамасына сәйкес міндетті түрде жүргізу туралы.

Ілеспе түзетулер Әкімшілік құқық бұзушылық туралы кодекске және өзге де заңнамалық актілерге өзгерістер мен толықтырулар енгізеді.