Мәжіліс депутаттығына кандидаттар жарысы басталды

ҚР Парламенті Мәжілісінің депутаттығына кандидаттарды сайлау науқаны басталды, деп хабарлады ОСК.

«Сайлау науқаны мынадай жолдармен жүзеге асырылады: бұқаралық ақпарат құралдары; онлайн платформалар; үгіт материалдарын дайындау және тарату; сайлау алдындағы көпшілік іс-шараларды, кандидаттар мен сенім білдірілген адамдардың сайлаушылармен жеке кездесулерін өткізу» делінген хабарламада.

Сайлау туралы заңға сәйкес үгіт-насихат жүргізу кезеңінде кандидаттарға:

• Кездесулер;

• Митингтер;

• Шерулер;

• Демонстрациялар ұйымдастыруға болады.

Оларды жүзеге асыру үшін жергілікті атқарушы органға хабарласу қажет.

Үгіт науқаны кезеңінде ойын-сауық және спорттық іс-шараларды қоспағанда, тегін тауарлар, қызметтер көрсету және т.б. беруге, сондай-ақ кандидаттардың және олардың атынан қайырымдылық іс-шараларын өткізуге жол берілмейді.

Сайлау алдындағы үгіт ережелерін бұзғаны үшін кандидаттарға қатысты тіркеудің күшін жоятын заңды жауапкершілік көзделген.

Анықталғандай, Мәжіліс пен мәслихаттар сайлауына 2573 БАҚ үгіт-насихат жүргізеді.

Олар 14 ақпанға дейін белгіленген мерзімде төлем мөлшері, эфир және баспа алаңын ұсыну шарттары мен тәртібі туралы ақпарат берді.

Орталық сайлау комиссиясына:

• 465 медиа;

• Онлайн платформалардың 40 пайдаланушысы.

Аумақтық сайлау комиссиясына:

• 2108 медиа;

• Онлайн платформалардың 55 пайдаланушысы.

Кандидаттар мен саяси партиялар келісім жасасып, үгіт материалдарын орналастыра алады.

«Бұқаралық ақпарат құралдары бюджет қаражаты және сайлау қоры қаражаты есебінен үгіт материалдарын жариялауға құқылы. Ал онлайн-платформаларды пайдаланушылар үгіт материалдарын тек сайлау қоры есебінен ғана орналастырады» деп хабарады ОСК.