Мәсімовтің соты бойынша жаңа деректер пайда болды

ҰҚК экс-төрағасы Кәрім Мәсімов алқа билер сотына жүгіне алмайды.

Мәжіліс дәліздерінде Жоғарғы сот өкілі ҰҚК экс-басшысының соты жабық өтетінін растады. 

Оның айтуынша, бұл істің жай-жапсары парламент шешім шығарған жағдайда ғана құпиялықтан шығарылады.

– Бұл заңмен реттелуі керек. Заң бойынша жұмыс істейміз, заң өзгерсе, негіз болады. Кез келген мемлекетте ұлттық қауіпсіздікті қорғау бар және мемлекет кейбір ақпаратты құпиялауға құқылы. Енді бұл істер құпия болып қала бермек. Сіз біраз ақпарат аласыз деп ойлаймын. Өйткені мемлекет қолжетімділікті қамтамасыз етуі керек, – деді Қылмыстық істер жөніндегі сот алқасының төрағасы Жүкенов.