Мәсімов сотқа аппеляциялық шағым түсірді

Ұлттық қауіпсіздік комитетінің бұрынғы басшысы Кәрім Мәсімов апелляциялық шағым түсірді.

Астананың мамандандырылған сотына сілтеме жасаған Hola News мәліметі бойынша, апелляцияға шағым жазылған.

«Апелляцияға шағым жазылды, бірақ ол апелляциялық сотқа әлі түскен жоқ. Іс «аса құпия» айдарымен қаралғандықтан, басқа мәліметтер жария етілмейді» деп хабарлады соттың баспасөз қызметі.

Еске салайық, ҰҚК бұрынғы төрағасы сотталды. Сот Кәрім Мәсімовты 18 жылға бас бостандығынан айырып, оның мүлкін тәркілеу туралы үкім шығарды. Іс сотта аса құпия белгісімен қаралды.