Мәдениет және спорт вице-министрі тағайындалды

Арман Жүдебаев ҚР Мәдениет және спорт вице-министрі қызметіне тағайындалды.

Бұған дейін бұл қызметті Нұрғиса Дәуешов атқарған болатын. Министр Асхат Оралов оған жұмысы үшін алғыс білдірді.

Арман Жүдебаев 1986 жылы Алматы облысында дүниеге келген.

Мансабы:

• Құрманғазы атындағы Қазақ ұлттық консерваториясын бітірген.
• Еңбек жолын 2007 жылы Құрманғазы атындағы Қазақ мемлекеттік академиялық халық аспаптар оркестрінің әртісі болып бастаған.
• 2009-2013 жылдары - Құрманғазы атындағы Қазақ ұлттық консерваториясының оқытушысы, аға оқытушысы.
• 2013-2018 жылдары - Қазақ мемлекеттік академиялық халық аспаптар оркестрінің бас дирижері.
• 2017-2018 жылдары - Дина Нұрпейісова атындағы Атырау облыстық қазақ халық аспаптар академиялық оркестрінің көркемдік жетекшісі және бас дирижері.
• 2018 - 2023 жылдары Құрманғазы атындағы Қазақ ұлттық консерваториясының ректоры қызметін атқарды.
• 2023 жылдан бастап Қазақстан Республикасы Мәдениет және спорт министрлігі Мәдениет комитеті төрағасы қызметін атқарды.