Мәдениет министрлігі Netflix желісіне қазақ фильмдерін орналастыруды жоспарлап отыр

Мәдениет және спорт министрлігі Netflix стриминг сайтында қазақ фильмдерін орналастыру мәселесін қарастыруда, деп хабарлайды ҚазТАГ.

«Қазақстандық мәдени өнімді енгізуге және отандық киноиндустрияны дамытуға қазақстандық фильмдерді стримингтік платформаларда (Netflix, YouTube, Megogo, BeeTV және т.б.) және онлайн-кинотеатрларда орналастыру мәселесін зерттеу ықпал ететін болады» делінген Қазақстанның 2023-2027 жылдарға арналған мәдениет саясаты туралы тұжырымдамада.

Сондай-ақ алдағы жылдардағы жоспарда қазақ кино қорын ақ-қарадан түрлі-түстіге көшіру бар. Кинематографияны қолдау үшін Мәдениет министрлігі жылына кемінде 10 анимациялық фильм мен кең таралған фильмдердің дубляждарын, сондай-ақ отбасылық көруге арналған шетелдік фильмдердің премьерасын қамтамасыз етуге уәде берді.

Paramount Pictures Corporation, Walt Disney Pictures, Nickelodeon, TiJi телеарналарымен ынтымақтастық орнату, қазақстандықтарды оқыту үшін анимациялық студиялар мен телеарналардан шетелдік мамандарды тарту жоспарлануда.

«Қазақтың мәдени мұрасын цифрлық фильмдер жинағы форматында сақтау мақсатында жылына кемінде бес толықметражды көркем фильмді цифрландыру және қалпына келтіру қамтамасыз етіледі» делінген құжатта.

Ведомство «Кинематография туралы» қолданыстағы заңға мемлекеттік қаржылық қолдау алған фильмдерді насихаттау және тарату, фильмнің айрықша құқығын ҚР Мәдениет және спорт министрлігінен беру бөлігінде өзгерістер мен толықтырулар енгізу мәселелерін атап өтті.