Мәдениет министрлігі мен Tiktok бірлесіп Наурыз  өткізеді

Наурыз мейрамына орай Мәдениет және спорт министрлігі Tiktok-пен бірлесіп онлайн фестиваль өткізуде.

Танымал желідегі #Наурыз2023 хэштегімен мереке тақырыбы, оның ерекшеліктері мен әдет-ғұрыптары туралы бейнероликтер жүктей аласыз.

Үздік бейнероликтер авторларына Kazakh Tourism қолдауымен сыйлықтар уәде етілген. Жеңімпаздарды Қазақстанның ең көрікті жерлеріне жіберу жоспарлануда. Бірінші орын иегері 5 күнге, екінші және үшінші орындар сәйкесінше 3 күнге және 1 күнге саяхатқа бара алады.

Онлайн-фестивальдің қорытындысы, үздік бейнероликтер мен байқау жеңімпаздарының есімдері 29 наурызда белгілі болады.

Министрлік #историяказахстана  хэштегіндегі бейнероликтер қазірдің өзінде 100 миллионға жуық, ал #қазақстанмәдениеті  хэштегіндегі 75 миллионнан астам қаралым жинағанын атап өтті.