MadMen тобы қылмыстық топ құрды деп айыпталуда

MadMen тобы ұйымдасқан қылмыстық топ құрды деген күдікке ілінді.

Бұл туралы Orda.kz хабарлады.

Еске салсақ, Алматы қаласының полициясы сәуірде тұрақты түрде есірткі сатумен айналысқан қылмыстық топты ұстады. Оның құрамында 21 жастан 30 жасқа дейінгі 10 адам болған.

Кейін анықталғандай, ол MadMen музыкалық тобының мүшелері болы шықты.

– Есірткі қылмысына қарсы күрес басқармасы қызметкерлерінің көзіне Х. есімді ер адам 2020 жылдың қыркүйегінде қолға түскен. Жедел мәліметтерге сәйкес, топтағы адам бір жыл бойы Алматыда синтетикалық есірткі өндірумен және сатумен айналысқан. Күдіктінің және оның «көмекшілерінің» қылмыстық әрекеттері ресми түрде құжатталды. Оның әр көмекшісінің рөлдері нақты тағайындалған.

Мысалы, логистикалық компания арқылы Ресей Федерациясынан синтетикалық есірткі заттарын өндіруге арналған компоненттерді жеткізуге үш адам жауапты болған, олардың бірі қыз бала; екі жас жігіт – есепші ретінде өтінімдер қабылдауға және есірткіні қойып кететіндерге жауап берді; тағы төрт ер адам – есірткі қоюшылар, қаланың Наурызбай, Бостандық және Алатау аудандарында жүрген, - деді Алматы қалалық полиция департаментінің Есірткі қылмысына қарсы күрес басқармасының бастығы Ерлан Алмағамбетов.

Оларға қазір Қылмыстық кодекстің 262-бабы бойынша айып тағылып отыр. Музыкалық топтың мүшелері 15 жылға сотталуы мүмкін.