Қазақстанда бір аптада маңызды тауарлар бағасының негізсіз өсуінің 5 мың фактісі анықталды.
Қазақстанда бір апта ішінде маңызды тауарлар бағасының негізсіз өсуінің 5 мың фактісі анықталды, деп хабарлады Премьер-Министрдің баспасөз қызметі.
— Соңғы аптада Қазақстан Республикасында жүргізілген жедел рейдтер барысында 5 мың заң бұзушылық – әлеуметтік маңызы бар тауарлар бағасының негізсіз өсуі фактілері анықталды. Жалпы бұзушылықтар бар. Көтерме баға өссе бір сәрі. Бірақ көтерме баға өзгермей, тауар бағасы екі немесе одан да көп есе өскен. Біз онсыз да бағаның негізсіз өсуін көріп жүрміз. Бұлай болмауы керек, – деді премьер-министр Әлихан Смайылов сенбі күнгі жиында.
Министрлер кабинетінің мәліметінше, жыл басынан бері Қазақстан Республикасында әлеуметтік маңызы бар азық-түлік тауарларының бағасы 8 пайызға өскен.
— Барлық өңірлерде бағаның өсуі байқалды. Өңірлер тұрғысында өткен аптамен салыстырғанда бағаның максималды өсуіне Батыс Қазақстан облысында – 9,5%-ға, Ақтөбе облысында – 8,7%-ға, Павлодар облысында – 7,1%-ға, Атырау облысында – 6,7%-ға рұқсат етілді. Мемлекет басшысының тапсырмасын орындау мақсатында Қазақстан Республикасында азық-түлік тауарларының тапшылығы мен бағасының бақылаусыз өсуіне жол бермеу үшін азық-түлікті тұрақтандыру қорлары құрылуда, – деп толықтырды үкімет.
