Маңғыстаулық шенеуніктер бюджет қаражатын қолды еткен

Маңғыстаулық шенеуніктер аймақтағу су мәселесін шешуге бөлінген қомақты қаражатты қолды еткен, деп саясаттанушы Ербол Еділов Telegram арнасында жазды.

Бұл туралы Orda.kz хабарлады.

Оның айтуынша, Маңғыстау облысы бойынша Экономикалық тергеу департаменті күдікті ретінде екі шенеунік пен бір кәсіпкерді ұстаған.

– Кейбір дереккөздердің мәліметінше, Маңғыстау облысы бойынша Экономикалық тергеу департаменті Маңғыстау облысы құрылыс басқармасының басшысы Шабай Тәжіғараевты, Бейнеу ауданы құрылыс бөлімінің басшысы С.Х. Бисеновты және мердігерлік компанияның бас директоры Б. К. Саралтаевты ұстады, - делінген хабарламада.

Деректерге сүйенсек, Бейнеу ауданы Саға аулының тұрғындарын сумен қамтамасыз етуге бөлінген 200 млн теңгені қолды еткен. Бейнеу ауданында 1500 адам тұрады.

Салдарынан 2017 жылы басталған су құбырының құрылысы аяқталмаған. Тұрғындар автоцистернамен су тасуға мәжбүр.

Шенеуніктер ешқандай ресми ақпарат бермеді.