Маңғыстауда жантүршігерлік жол апатынан 5 адам қаза тапты

Маңғыстау облысының тас жолында жол апаты болды. Апат салдарынан бес адам қайтыс болған, оның ішінде жүкті әйел де бар.

Бұл туралы Orda.kz хабарлайды.

– Ағымдағы жылдың 16 қыркүйегінде сағат 01.48-де Lexus LX 470 көлігі аударылып кетті. Көлікті 27 жастағы бойжеткен басқарған. Барлығы жол-көлік оқиғасы салдарынан тоғыз адам жарақат алды. Бес ересек адам оқиға орнында қайтыс болды. Қалған төрт кәмелетке толмаған бала тірі,- делінген хабарламада.

2011, 2012 және 2019 жылы туған үш бала жедел жәрдем күтпей, өтіп бара жатқан көлікпен Жетібай облыстық ауруханасына жеткізілген.

Зардап шеккендерге мидың жабық жарақаты, ми шайқалуы, маңдай мен шынтақ буыны жарақаты, травматикалық шок диагнозы қойылған.