Маңғыстауда жүргізуші жоғары жылдамдықпен келе жатып, алты жасар қызды қағып кетті

Маңғыстауда жүргізуші жоғары жылдамдықпен келе жатып, алты жасар қызды қағып кетті. Оқиға камераға түсіп қалды.

Лада басылымының хабарлауынша, қайғылы оқиғаның видеосы желіде жарияланған.

Белгілі болғандай жол апаты 14 наурыз сағат 13:30-да Маңғыстау ауылында «Келдаман» сауда үйіне қарама-қарсы жерде орын алған.

«Жәбірленуші аудандық ауруханаға жеткізілді. Медициналық көмек көрсетілгеннен кейін үйіне шығарылды. Жүргізушіге қатысты 610-баптың 2-бөлігі «Көлiк жүргізушілерінің өзгелердің денсаулығына жеңіл зиян келтірген жол қозғалысы ережелерін бұзуы» бойынша әкімшілік хаттамалар толтырылды және ӘҚБтК-нің 611-бабының 2-бөлігі «Жүргізушінің өзі қатысушы болған жол-көлік оқиғасы болған жерді ережені бұза отырып тастап кету» тармағына сәйкес қылмыстық іс қозғалды» деп хабарлады облыстық полиция.