Маңғыстау аудандарының бірін шаңды дауыл басты

Маңғыстау облысының Бейнеу ауданында шаңды дауыл тұрды, соған байланысты облыс әкімдігі облыс тұрғындары мен қонақтарына үндеу жариялады.

Бұл туралы Orda.kz хабарлайды.

Lada.kz мәліметінше, Бейнеу өңірінде ауа райының күрт нашарлауына және шаңды дауылға байланысты күндізгі ауысымда оқитын 8451 оқушының сабағы тоқтатылды.

– Мектеп оқушылары онлайн оқыту форматына көшті. Оқушылардың үйлерінен шықпауын қадағалаңыздар. Облыс аумағынан өтетін республикалық маңызы бар автомобиль жолдарында ауа райының қолайсыздығына байланысты полиция экипаждары күшейтілген кесте бойынша жұмысқа кірісті, - деді Бейнеу ауданы әкімдігі.