Маңғыстауда түзету мекемесінің төбесі құлап, екі сотталушы мерт болды

Ішкі істер министрлігінің мәліметінше, екі қабатты ғимараттың жартысы қираған. Оқиға болған сәтте мекеме ішінде он адам болған.

Маңғыстау облысында арнайы түзету мекемесінің төбесі құлап, екі сотталушы көз жұмды, деп хабарлайды Orda.kz.

— Алған жарақаттарының себебінен екі сотталушы көз жұмды, қалғандарының жағдайы қанағаттанарлық. Зардап шеккендер ауруханаға жеткізілді, – делінген ресми хабарламада. 

Қазіргі таңда оқыс оқиға болған орында төтенше-құтқару бригадасы жұмыс істеуде. Олардың қатарында полиция, прокуратура қызметкерлері бар,  арнайы техникалар да қатыстырылып отыр.  Тағы бір сотталушыны іздестіру шаралары жүргізіліп жатыр. 

Бұған қоса, жарақат алған сотталушылардың туыстарына арналған  8 (7172) 72-30-40 (Нұр-Сұлтан), 8 776-677-80-77 нөмірлері іске қосылды. 

Оқиға бойынша сотқа дейінгі тергеу амалдары басталып кетті. ІІМ істі бақылауға алған.