Маңғыстауда мұғалім бірінші сынып оқушысын шапалақпен ұрды

Маңғыстауда мұғалім оқушы қызды шапалақпен ұрды. Оқиға видеоға түсіп қалған.

Lada.kz сайтының хабарлауынша, Ақшұқырда орналасқан гимназияның бірінші сынып оқушысының анасы әйелдің мектеп дәлізімен жүгіріп келе жатқан қызды бетінен екі рет қалай ұрғаны түсірілген бейнежазбаны ұсынған.

Олардың айтуынша, оқиға 2022 жылдың 11 сәуірінде болған. Бүгін, 3 мамырда оқушы қыздың анасы мектеп директоры мен облыстағы білім сапасын қамтамасыз ету департаментінен арыздарына жауап алды.

Гимназия директоры жауап хатында параллель сыныптың мұғалімі қызды ұрмағанын, жүгіріп бара жатып құлап қалмас үшін ұстағанын көрсеткен.

Облыстық білім сапасын қамтамасыз ету департаментінен келген жауапта 12 сәуірде мұғалімнің қатаң сөгіс алғаны айтылған. Ал 14 сәуірде ол жұмыстан босатылды, бірақ қандай бап бойынша екені айтылмады.

Қыздың анасының айтуынша, мұғалімнің өзі онымен, директормен және педагогикалық ұжыммен сөйлескенде оның бұл күні көңіл-күйі болмағанын айтқан. Қыздың анасының айтуынша, мұғалім кешірім сұрауға тырыспаған.

Бірінші сынып оқушысының анасы оқиғадан кейін мұғалімнің 12 және 13 сәуірде жұмысқа шыққанын алға тартты. Ал 14 сәуірде ол өз еркімен жұмыстан кеткен.

«Директор осындай мұғалімдердің артын жабады екен. Мұғалімнің қай бап бойынша жұмыстан босатылғаны белгісіз болғандықтан, бір жылдан кейін ол бұрынғы орнында тыныш қайта келіп, балаларды оқытуды жалғастыра алады. Мен рұқсат бермеймін. Оны педагогикалық қызметпен айналысу құқығынан айыру керек және бұдан былай оқытушы болуға рұқсат бермеу керек» дейді зардап шеккен қыздың анасы.

Қыздың анасы Білім министрлігіне арыз жазуға ниетті.