Маңғыстауда дауылға тап болған әйел көлікте алты сағат отырды

Маңғыстауда шаңды дауылдың кесірінен әйел баратын бағытынан адасып қалған. Ол жолдан шығып, көлікте бірнеше сағат отыруға мәжбүр болды, деп хабарлайды Lada.kz.

Осыдан кейін ол Жаңаөзен өрт сөндіру бекетіне дейін жетіп үлгерді.

Жеке құрам дер кезінде әрекет етіп, оқиға орнына құтқарушыларды жіберді. Олар көлікті қауіпсіз жерге апарды.

Бұған дейін Қазгидромет 6 наурызда 10 облыста бірден көктайғақ, кей жерлерде бұрқасын, тұман, екпіні секундына 28 метрге жететін жел күтілетінін хабарлаған болатын.

Ақмола, Атырау облыстарында тұман, кей жерлерде бұрқасын, көктайғақ, екпіні 23-28 м/с жел соғады. Шығыс Қазақстан мен Батыс Қазақстанда – тұман, көктайғақ, жел. Нұр-Сұлтан мен Қызылорда облысында көктайғақ болып, қатты жел соғады, Маңғыстау облысында шаңды дауыл болуы мүмкін.