Маңғыстауда бір жасар бала көшедегі дәретханаға түсіп кетті

Оқиға Мұнайлы ауданының Қызылтөбе ауылында болған.

Бұл туралы Orda.kz Маңғыстау облысының жедел және шұғыл медициналық көмек станциясына сілтеме жасап хабарлады.

Ақпаратқа сәйкес, бір жасар бала көшедегі дәретханаға түсіп кетті деген қоңырау 3 мамырда түнгі сағат 12:40-та түскен.

Сәбидің ата-анасы көршілерімен бірге оны өздігінен шығарып алуға тырысты, бірақ шығара алмады.

Көмекке келген жедел жәрдем бригадасының дәрігерлері баланы дәретханадан аман-есен шығарды.

Құтқарылған сәбидің әжесі мен анасы, сондай-ақ көршілер дәрігерлерге шын ықыласпен алғыс айтты.