Маңғыстау тұрғыны тегін шөпті әкетуге кілең джиптер келген

Маңғыстауда тегін шөпті әкетуге келген қымбат көлік мінген кілең  «байлардың» видеосы әлеуметтік желіде тарап кетті.

Роликтен ауыл адамдарының  елдің басқа өңірлерінен жеткізілген тегін  шөпті әкетіп жатқанын көруге болады. Бейнежазбаға қарап, ауыл тұрғындарының қылығы видео авторының ашуына тигенін байқауға болады.

 — Мына халықты қара. Отбасында алты адам болса, соның бәрі алып жатыр. Бала-шағасымен осында жүр. Кілең джиптер, кілең байлар келген. Адамнан көлік көп. Не деген сұмдық! – дейді бейнежазба авторы.

Бұған дейін де Маңғыстау және Қызылорда облыстарында құрғақшылық салдарынан жем-шөп тапшылығы болып жатқандығын жазған болатынбыз.

Ресми мәлімет бойынша, екі өңірден де  екі мың мал аштан қырылды. Ауыл шаруашылығы министрі Маңғыстауда жылқының жаппай қырылуына әкімдіктердің шалағай жұмысы себеп деген болатын.