Маңғыстау облысындағы  құрылысшыларға  14 млн айыппұл салынды

Нысандарды реконструкциялау, кеңейту және күрделі жөндеу жұмыстарын жүргізуге қатысты заң бұзушылықтар бойынша 30-дан астам әкімшілік іс қозғалды.

Маңғыстау облысындағы құрылыс компанияларына 14 миллион теңгеге жуық айыппұл салынды. Мемлекеттік сәулет-құрылыс бақылау департаменті  (ГАСК)  нысандарды қайта жаңғырту, кеңейту және заңсыз монтаждау жұмыстарын жүргізуді бұзу фактілері бойынша 31 әкімшілік іс қозғады.

— Ағымдағы жылдың қаңтар-сәуір айлары аралығында Маңғыстау облысы бойынша мемлекеттік сәулет-құрылыс бақылау департаментіне құрылыс-монтаж жұмыстарының басталғаны туралы 179 хабарлама түсіп, 162 нысан пайдалануға берілді. Осы уақыт ішінде 3 жоспардан тыс тексеру жүргізілді. Нәтижесінде 31 әкімшілік іс қозғалды. Айыппұл мемлекет кірісіне өндірілді, - деді Мемлекеттік сәулет-құрылыс инспекциясының Маңғыстау облысы бойынша департаментінің басшысы Әлібек Кеңесұлы «Хабар 24»-ке.

Кейбір құрылыс салушылар жобалық-сметалық құжаттамасыз, техникалық және сәулеттік қадағалаусыз, сараптамасыз тұрғын үй кешендерін салған болып шықты.

Сонымен қатар, олар Мемлекеттік сәулет-құрылыс бақылау департаменті   ГАСК-қа құрылыс-монтаж жұмыстарын жүргізу үшін хабарлама бермеген. Сотталушылар айыппұлды бірінші аптада төлеген. Соның жартысынан астамы мемлекет кірісіне жиналды.